ދިވެހިބަހުގެ އެކެޑަމީގެ ރަސްމީ ޓިކްޓޮކް އެކައުންޓް އިފްތިތާހު ކޮއްފިއެވެ.
މި ޓިކްޓޮކް އެކައުންޓް އިފްތިތާހު ކޮއްދެއްވީ ދިވެހިބަހުގެ ދުވަހުގެ ހާއްސަ ހަރަކާތެއްގެ ގޮތުން ދިވެހިބަހުގެ އެކެޑެމީގެ ރައީސް އަލްފާޟިލް އަޝްރަފް ޢަލީއެވެ.
މިއަދަކީ ދިވެހިބަހުގެ ދުވަހުގެ ގޮތުގައި ރާއްޖޭގައި ފާހަގަކުރަމުން އަންނަ ދުވަހެވެ. މިދުވަސް ފާހަގަ ކުރުމަށް ދިވެހިބަހުގެ އެކެޑަމީގެ ފަރާތުން މިއަދުވަނީ ހާއްސަ ޖަލްސާއެއްވެސް ކުރިއަށް ގެންގޮސްފައެވެ.
ދިވެހިބަހުގެ އެކެޑަމީގެ ރަސްމީ ޓިކްޓޮކް އެކައުންޓް އިފްތިތާހު ކޮއްދެއްވީ ދިވެހިބަހުގެ އެކެޑެމީގެ ރައީސް އަލްފާޟިލް އަޝްރަފް ޢަލީ pic.twitter.com/UhU9k9bZxe
— Dhivehibahuge Ekedamee (@DhivehiEkedamee) April 14, 2021
ދިވެހިބަހުގެ ދުވަހުގެ މުނާސަބަތުގައި ދިވެހިބަހުގެ އެކެޑެމީން ކުރިއަށް ގެންދިޔަ ޖަލްސާގައި ފަންނާއި ސަގާފަތާއި ތަރިކައިގެ ވުޒާރާގެ ވަޒީރު އަލްފާޟީލާ ޔުމްނާ މައުމޫން އަދި ސްޓޭޓް މިނިސްޓަރ އަލްފާޟިލް އަޙްމަދު ތާރިޤާއި އެ ވުޒާރާގެ ވެރީން ބައިވެރިވެވަޑައިގެންނެވިއެވެ.
ދިވެހިބަހުގެ ދުވަސް ފާހަގަ ކުރުމުގެ ގޮތުން ދިވެހިބަހުގެ އެކެޑެމީންވަނީ ދިވެހިބަސް ޓެކްނޮލޮޖީއާ ރައްޓެހި ކުރުމަށް ކުރާ މަސައްކަތްތަކުގެ ތެރެއިން "އިއްވި ލިޔަނި" "ލިޔަނި އިއްވި" މި ނަމުގައި ޚާއްޞަ އެޕެއްވެސް އިފްތިތާހު ކޮށްފައެވެ.
ދިވެހިބަހުގެ އެކެޑަމީގެ އިތުރުން ރައްޔިތުންގެ މަޖިލީހުންވެސްވަނީ ޓިކްޓޮކް އެޕްލިކޭޝަންގައި އެކައުންޓެއް ހުޅުވައި އެމަޖިލީހުގެ މައުލޫމާތުތައް ފޯރުކޮށްދޭން ފަށައިފައިކަން ފާހަގަ ކޮށްލެވެއެވެ.
