ބަދިގެތެރޭން މިއަދު މިގެނެސްދެނީ ޗީސް އެގް ރޯލް ތައްޔާރުކުރާނެގޮތެވެ،
ބޭނުންވާތަކެތި:
- 4 ބިސް
- 1/2 ސައިސަމްސާ ލޮނު
- 1 ޖޯޑު ކިރު
- 3/4 ފުށް
- 1/4 ސައިސަމްސާ ބޭކިން ޕައުޑާރ
- 1/4 ޖޯޑު ފިޔާ (ކިއުބްކޮށް ކޮށާފައި)
- 1/2 ޖޯޑު ޓޮމާޓޯ (ކިއުބްކޮށް ކޮށާފައި)
- 1 ހިކަނދިފަތް (ކުދިކޮށްކޮށާލާފައި)
- 1/2 މިރުސް (ކުދިކޮށްކޮށާލާފައި)
- 3 ސައިސަމްސާ ޗީސް (ގާނާފައި)
- 1 ސައިސަމްސާ ބަޓާރ ނުވަތަ ތެތޮ
ތައްޔާރުކުރާނެގޮތް:
އެންމެފުރަތަމަ 2 ބިސް ތައްޓެއްގެ ތެރެއަށް އަޅާލުމަށްފަހު އޭގެތެރެއަށް 1/4 ސަމްސާ ލޮނު އަދި ކިރު ޖޯޑު އަޅާ އެއްކޮއްލާށެވެެ. ދެން އޭގެތެރެއަށް ފުއް އަދި ބޭކިން ޕައުޑާރ އަޅާ ރަނގަޅަށް ގިރާލުމަށްފަހު ވަކިން ބަހައްޓާށެވެ. ދެން ވަކިން ތައްޓެއްގެތެރެއަށް ބާކީ އޮތް ދެބިސް އަޅާލުމަށްފަހު 1/4 ސަމްސާ ލޮނު، ފިޔާ، ޓޮމާޓޯ، ހިކަނދިފަތް، މިރުސް އަޅާ ރަނގަޅާށް އެއްކޮށްލާށެވެ. ދެން ތަވައެއްގައި ބަޓާރ ކޮޅު ނުވަތަ ތެޔޮފޮދު ހާކާލުމަށްފަހު އެންމެ ފުރަތަމަ ގިރި ފުށް ކޮޅު އަޅާ މަޑު ގިނީގައި ރޯފިލުވާލާށެވެ. ދެން އޭގެ މައްޗައް ފަހުން ތައްޔާރުކުރި ބައި އަޅާ ފަތުރާލާށެވެ. ދެން މަޑު ގިނީގައި ދެފުށް ރަނގަޅަށް ފިހެލުމަށް ފަހު އޭގެ މައްޗަށް ޗީސް ކޮޅު އަޅާ މެލްޓް ކޮއްލާށެވެ. މެލްޓް ވުމުން ނަގާ ހޫނުކޮށްހުއްޓާ ރޯލްސް ގޮތަށް އޮޅާލާށެވެ.
މިހާރު މިވަނީ ޗީސް އެގް ރޯލް ތައްޔާރުކޮށް ނިމިފައެވެ.
