"ފެށުން ބަދިގެތެރޭން" މިފަހަރު މިގެނެސްދެނީ ކެރަމަލް ޕުޑިން ތައްޔާރުކުރާނެ ގޮތެވެ.

ބޭނުންވާތަކެތި:

6 ބިސް

2 ސައިސަމްސާ ހަކުރު

2 ސައިސަމްސާ ވެނީލާ އެސެންސް

1 ދަޅު ގެރިކިރު

1/2 ޖޯޑު ފެން

ތައްޔާރުކުރާނެގޮތް:

ކެރަމަލް ޕުޑިން ތައްޔާރުކުމަށްޓަކައި އެންމެފުރަތަމަ ބިސް ގެރިކިރު، އެސެންސް އަދި ފެން އެޅުމަށްފަހު ރަނގަޅަށް މިކްސްޗަރ އިން މިކްސް ކޮއްލާށެވެ. ދެން ޓްރޭއަކަށް ކުޑަ ހަކުރުކޮޅަކާއި ފެންފޮދެއް އެޅުމަށްފަހު ކުޑަކޮށް ރަތްވަންދެން ހޫނުކޮށްލާށެވެ. ރަތްވުމުން މިކްސްކުރި އެއްޗެހި ޓްރޭއަށް އަޅާލާ 30 މިނެޓް ވަންދެން އާވިން ކައްކާލާށެވެ. ނުވަތަ އަވަނުން ފިހާނަމަ 200ގައި 45 މިނެޓް ވަންދެން ފިހެލާށެވެ. މިހާރު މިވަނީ ކެރަމަލް ޕުޑިން ތައްޔާރުކޮށް ނިމިފައެވެ. ޕުޑިން ބޮޑަށް މީރު ވާނީ ފިނިކޮށްލައިގެންނެވެ. .