ބަދިގެތެރޭން މިއަދު މިގެނެސްދެނީ ޕަނީނޯ ތައްޔާރުކުރާނެގޮތެވެ.

ބޭނުންވާތަކެތި:

• 4 ޕަނީނޯ ބަނަސް
• 1 ފިޔާ (ކުދިކޮށްކޮށާފައި)
• 1 މިރުސް (ކުދިކޮށްކޮށާފައި)
• 1 ސައިސަމްސާ އަސޭމިރުސް
• 1 ސައިސަމްސާ ލުނބޯހުތް
• 1/2 ޖޯޑު ކެބެޖް (ކުދިކޮށްކޮށައި ވަޅޯކޮށްލާފައި)
• 1 ދަޅު މަސް
• 4 ފޮތި ސްލައިސް ޗީސް
• 2 ސައިސަމްސާ މަޔޮނައިސް
• ލޮނު (ރަހަލާވަރަށް)

ތައްޔާރުކުރާނެގޮތް:

ޕަނީނޯ ތައްޔާރުކުރުމަށްޓަކާ އެންމެފުރަތަމަ ފިޔާ، މިރުސް، ލޮނު އަދި އަސޭމިރުސް ތައްޓެއްގެތެރޭގައި މޮޑެލާށެވެ. އެއަށްފަހު މަސްދަޅު، ކެބެޖް، ލުނބޯހުތް އަދި މަޔޮނައިސް އެޅުމަށްފަހު އެއްކޮށްލާށެވެ. މިހާރުމިވަނީ މަސްގަނޑު ތައްޔާރުކޮށް ނިމިފައެވެ.

ދެން ޕަނީނޯ ބަނަސްތަށް ދެފަޅިއަށް ފަޅާލުމަށްފަހު ތައްޔާރުކުރި މަސްގަނޑު ބަނަސް މަތީގައި ފަތުރާލުމަށްފަހު ޗީސް ފޮއްޗެއް މަތީގައި ބާއްވާލަށެވެ. އަދި ޗީސް ފޮތޮ މެލްޓް ވަންދެން ދެފުއް ފިހެލާށެވެ.

މިހާރު މިވަނީ ޕަނީނޯ ތައްޔާރުކޮށް ނިމިފައެވެ.