ބަދިގެތެރޭން މިއަދު މިގެނެސްދެނީ ކެބެޖް ބަޖިޔާ ތައްޔާރުކުރާނެގޮތެވެ.
ބޭނުންވާތަކެތި:

200 ގްރާމް ކެބެޖް (ކުދިކޮށްކޮށާފައި)

1 ފިޔާ (ކުދިކޮށްކޮށަފައި)

ހިކަނދިފަތް (ކުދިކޮށްކޮށަފައި)

1 ރޯމިރުސް (ކުދިކޮށްކޮށަފައި)

1 ދަޅު މަސް

2 ސައިސަމްސާ ހަވާދު

އަސޭމިރުސް (ރަހަލާވަރަށް)

1/3 ސައިސަމްސާ ފޮނިތޮށި

4 ސައިސަމްސާ ހަކުރު

ލޮނު (ރަހަލާވަރަށް)

ތެޔޮ

ފުށް

ތައްޔާރުކުރާނެގޮތް:

އެންމެފުރަތަމަ ފިޔާ، ހިކަނދިފަތް، މިރުސް، އަދި ކެބެޖް ކުޑަ ތެޔޮފޮދެއްގައި ވަޅޯކޮށްލާށެވެ. ވަޅޯވުމުން ހަވާދު، އަސޭމިރުސް، ފޮނިތޮށި ލޮނު، އަދި ހަކުރު އަޅާ ރަނގަޅަށް އެއްކޮއްލާށެވެ. ދެން މަސްދަޅު އެޅުމަށްފަހު 1 މިނެޓް ވަންދެން މަޑުގިނީގައި ހާކާލާށެވެ. މިހާރުމިވަނީ މަސްގަނޑު ތައްޔާރުކޮށް ނިމިފައެވެ. ދެން ފުއްގަނޑެއް މޮޑުމަށްފަހު ރޮށިދަމާގޮތަށް ދަމާ ހަތަރު ފަޅިއަށްވާގޮތަށް ކަފާލާށެވެ. އެއަށްފަހު ތައްޔާރުކުރި މަސްގަނޑުން އެތިކޮޅެއް އެޅުމަށްފަހު ތިނެސްކަނަށް ވާގޮތަށް ބައްދާލާށެވެ. ދެން މިގޮތަށް ހުރިހާއެއްޗެއް ތައްޔާރުކޮށް ނިމުމުން މަޑު ގިނީގައި ތެލުލާށެވެ. މިހާރުމިވަނީ ކެބެޖް ބަޖިޔާ ތައްޔާރުކޮށް ނިމިފައެވެ.