ފެށުން ބަދިގެތެރޭން މިފަހަރު މި ގެނެސްދެނީ ޗީސް ސޭންޑްވިޗް ތައްޔާރުކޮއްލާނެ ގޮތެވެ.
ބޭނުންވާ ތަކެތި:
- 1 ޕާން
- 1 މަސް ދަޅު
- 1 ފިޔާ (ކުދިކޮށް ކޮށާފައި)
- ކުޑަ އަސޭމިރުސް ކޮޅެއް (ރަހަލާވަރަށް)
- ރޯ މިރުސް (ރަހަލާވަރަށް ކުދިކޮށް ކޮށާފައި)
- 4 ސަމްސާ މަޔޮނައިސް
- ކުޑަ ލޮނުކޮޅެއް (ރަހަލާވަރަށް)
- ލިބޯ (ރަހަލާވަރަށް)
- ސްލައިސް ޗީސް
ތައްޔާރުކުރާނެ ގޮތް:
އެންމެ ފުރަތަމަ ރަހަލާވަރަށް އަސޭމިރުސް، ފިޔާ، ލިބޯ، މިރުސް، އަދި ލޮނު ލައިގެން ރަނގަޅަށް މޮޑެލުމަށްފަހު، މަސްދަޅާއި އެއްކޮށްލާށެވެ. އަދި މަޔޮނައިސްކޮޅު އެޅުމަށްފަހު ރަނގަޅަށް މޮޑެލާށެވެ. އެއަށްފަހު ޕާން ފޮތީގެ މަތީގައި މޮޑެފައިހުރި މަސްގަނޑު ހާކާލާށެވެ. އަދި އޭގެ މަތީގައި ޗީސް ފޮއްޗެއް ބޭއްވުމަށްފަހު ޓޯސްޓް ކޮއްލާށެވެ. މިހާރު މިވަނީ ޗީސް ޓޯސްޓް ތައްޔާރުކޮށް ނިމިފައެވެ.
