ބަދިގެ ތެރޭން މިއަދު މިގެނެސްދެނީ ޕޮޓޭޓޯ ޗީޒް ކަޓްލަސް ތައްޔާރުކުރާނެ ގޮތެވެ. ބޭނުންވާތަކެތި: 6 އަލުވި (ފެނުކައްކާފައި) 300ގ ޗީޒް (ގާނާފައި) 1 މަސް ދަޅު 1 ފިޔާ (ކުދިކޮށް ކޮށާފައި) ހިކަނދިފަތް (ކުދިކޮށް ކޮށާފައި) ލޮނު (ރަހަލާވަރަށް) އަސޭމިރުސް (ރަހަލާވަރަށް) 1 ރޯ މިރުސް (ކުދިކޮށް ކޮށާފައި) ފާރޮށި ކުނޑި 1/2 ޖޯޑު ފުއް ފެން ތައްޔާރުކުރާނެގޮތް: ފުރަތަމަ ތަވަޔަށް ކުޑަ ތެޔޮފޮދެއް ޖެހުމަށްފަހު ފިޔާ އާއި ހިކަނދިފަތް އަދި ރޯ މިރުސް ކޮޅު ރަނގަޅަށް ވަޅޯކޮއްލާށެވެ. ރަނގަޅަށް ވަޅޯ ވުމުން ނަގާ (ހިހޫވުމުން) މަސްދަޅު، ލޮނު، އަސޭމިރުސް، ފެނުކައްކާފައި ހުރި އަލުވިކޮޅު އަދި ޗީޒް ތައް ރަނގަޅަށް އެއްވަންދެން މޮޑެލާށެވެ. ދެން އެއަށްފަހު ވައްކޮށް ގުޅަ ތަކެއް ގޮތަށް ހަދާލާށެވެ. ދެން ފުށުގެ ތެރެއަށް ފެން އެޅުމަށްފަހު ރަނގަޅަށް އޮލަވަނދެން ގިރާލާ ވަށްކުރި ގުޅަތަށް ފުށުގެ ތެރެއަށް ލުމަށްފަހު ފާރޮށި ކުނޑީގައި ރަނގަޅަށް ހާކާލާށެވެ. ދެން ތެޔޮގަނޑު ރަނގަޅަށް ހޫނުވުމުން ތެލުލާށެވެ. މިހާރު މިވަނީ ޕޮޓޭޓޯ ޗީޒް ކަޓްލަސް ތައްޔާރުކޮށް ނިމިފައެވެ.