ވެލާނާ އިންޓަނޭޝަނަލް އެއާޕޯޓުން މިއަދު ކަރަންޓް ކެނޑުނު މައްސަލަ ހައްލުކޮށް، އަލުން ކަރަންޓު ދީފިއެވެ.
މޯލްޑިވްސް އެއާޕޯޓްސް ކޮމްޕެނީ(އެމްއޭސީއެލް) އިން ބުނީ، އެއާޕޯޓަށް އަލުން ކަރަންޓު ދީ، ޚިދުމަތްތައް ދޭން ފަށައިފިކަމަށެވެ.
މިއަދު ހެނދުނު 09:40 ކަންހާއިރު ވެލާނާ އިންޓަނޭޝަނަލް އެއާޕޯޓު ކަރަންޓު ކެނޑުނުއިރު، އެއާޕޯޓުގެ ހިދުމަތްތަކަށް ވަނީ ބުރޫ އަރައިފައެވެ. އަދި އެއާޕޯޓުގެ ޓާމިނަލް ލިފްޓް ތެރޭ ފަތުރުވެރިންތަކެއް ތާށިވެގެން އުޅުނުކަމުގެ މައުލޫމާތުވެސް ވަނީ ލިބިފައެވެ.
ކަރަންޓު ކެނޑެން މެދުވެރިވި ސަބަބެއް އެމްއޭސީއެލް އިން ހާމައެއްނުކުރެއެވެ.
