ވަޒީރުންނަކީ ވަގުންގެ ބޮޑު އައިނެއް ކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ ކުރީގެ މެންބަރު މުހައްމަދު މުސްތަފާ ވިދާޅުވެއްޖެއެވެ.

އިއްޔެ ހަވީރު މުސްޠަފާ ކުރެއްވި ޓްވީޓެއްގައި ވިދާޅުވެފައިވަނީ ވަޒީރުންދައްކާ ވާހަކަ ޤަބޫލުކުރާ އިންސާނެއް މިހާރު މި ޤައުމަކުނެތް ކަމަށާއި، 7 ފެނުން ދޮވެގެން ވުޟޫ މަތީ ތިއްބަސް ރާއްޖޭގެ ރައްޔިތުން ޤަބޫލު ނުކުރާނެ ކަމަށެވެ. މުސްތަފާ މިހެން ވިދާޅުވެފައި މިވަނީ އިއްޔެ މެންދުރު ފަހު އޮތް ނޫސްވެރިންގެ ބައްދަލުވުމުގައި ފިނޭސް މިނިސްޓަރ އަދި އިކޮނޮމިކް މިނިސްޓަރ ޤައުމުގެ ހާލަތާއި ގުޅޭ ގޮތުން ވާހަކަފުޅު ދައްކަވާފައި ވަނިކޮށެވެ.

Thiya vazeerun dhahkaa vaahaka gaboolu kuraa insaaneh mi haaru mi gaumuga neiy. 7 fenun dhoyeven vuloomathee thihbas Raajeyge Rahyithun gaboolu nukuraane.. vagun ge bodu Aineh.

— Mohamed Musthafa (@Thimarafushi) May 7, 2020

މުސްތަފާގެ މި ޓްވީޓްގެ ކުރިން ފިނޭސްންސް މިނިސްޓަރަށް ރައްދު ކުރައްވައި ވަނީ ޓްވީޓް ކޮށްފައެވެ. އެހެން ކަމުން މުސްތަފާ ވިދާޅުވެފައިވާ "ވަގުންގެ ބޮޑު އައިނަކީ" ފިނޭސް މިނިސްޓަރ ކަމަށް ދޭހަވެއެވެ.

"ސުބުހާނަﷲ މީނައާއި ޤައުމެއްގެ މާލީ ވަޒީރުކަން ހަވާލުކުރި ކުރުން މަރު ހެޔޮނުވާނެ" މިނޭންސް މިނިސްޓަރަށް އިޝާރާތްކުރައްވައި މުސްތަފާ ވިދާޅުވެފައިވެއެވެ. މީގެ އިތުރުން މުސްތަފާ ފިނޭންސް މިނިސްޓަރަށް ތުހުމަތުތަކެއްވެސް ކުރައްވާފައިވެއެވެ.

ކޮވިޑް-19 އާއި ގުޅިގެން ރާއްޖޭގެ އިޤްތިޞާދު މި ވަނީ ވަރަށް ބޮޑަށް ދަށަށް ގޮސްފައެވެ. އެހެން ކަމުން އިޤްޠިޞާދަށް ލުއި ދިނުމުގެ ގޮތުން ސަރުކާރު މުވައްޒަފުންނާއި، ސިޔާސީ ފަރާތްތަކާއި ސިވިލް ސަރވިސްގެ މުވައްޒަފުންގެ މުސާރަ ކުޑަކުރުމަށް ސަރުކާރުން ވަނީ ނިންމާފައެވެ.