އަޅުގަނޑުމެންގެ މަސައްކަތަކީ ރައީސް ޔާމީން މިނިވަންކޮށް އަލުން ވެރިކަމަށް ގެނައުން ކަމުގައި އިދިކޮޅު ޕީއެންސީގެ ރައީސް އަބްދުﷲ އަބްދުއްރަހީމް (އަދުރޭ) ވިދާޅުވެއްޖެއެވެ.

އަބްދުއްރަޙީމް ވިދާޅުވީ އެބޭފުޅުންގެ މަސައްކަތަކީ މި ސަރުކާރުން ހަދާ ގޯސްތައް ރައްޔިތުންނަށް ތިލަކޮށްދިނުން ކަމަށާއި ރައީސް ޔާމީން މިނިވަންކޮށް އަލުން ވެރިކަމަށް ގެނައުން ކަމަށެވެ. އެއީ ގައުމާއި ރައްޔިތުންގެ ހައްޤުގައި ކަމަށްވެސް އަބްދުއްރަޙީމް ވިދާޅުވިއެވެ.

އަބްދުއްރަޙީމް ކުރެއްވި ޓްވީޓެއްގައި ވިދާޅުވެފައިވަނީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ފުރޮޅާލުމަށް ތާޢީދުކުރުމަށް ޕީޕީއެމް-ޕީއެންސީ އިން ނިންމާފައި ނުވާނެ ކަމަށެވެ.

Raajjeyge veri kamauge nizaam,barulamaanee nizaamakah furolhaalumah thaa’eedhu kuran PPM/PNC in ninmaafa’eh noannaane.alhugandumenge masahkathakee mi sarukaarun hadhaa goasthah rayyithunnah thila kohdhinun.RY minivan koh alun veri kamah gena’un.E’ee Gaumaa rayyithunge haggugai.

— Abdul Raheem Abdulla (@Banafsaa) May 26, 2020

ބައެއް ނޫސްތަކުން ވަނީ އިދިކޮޅުން ބަރުލަމާނީ ނިޒާމަކަށް ތާޢީދު ކުރާކަމަށް ވިދާޅުވެ ރިޕޯޓުކޮށްފައިވާއިރު އިދިކޮޅުން ބަރުލަމާނީ ނިޒާމަކަށް ތާޢީދު ނުކުރާ ކަމުގައި މަޑުއްވަރީ ދާއިރާގެ މެންބަރު އަދި ކުރީގެ ޑިފެންސް މިނިސްޓަރ އާދަމް ޝަރީފް އުމަރުވެސް ވަނީ ވިދާޅުވެފައެވެ.

ދާދިފަހުން ރައީސް ނަޝީދު ވަނީ ރައީސް ޔާމީނަށް އުފަން ދުވަހުގެ ތަޙްނިޔާ ކިޔައި ނައިފަރު ދާއިރާގެ މެންބަރު އަޙްމަދު ސިޔާމާއި ކުރީގެ އިކޮނޮމިކް މިނިސްޓަރު އަދި މިހާރު މާވަށު ދާއިރާގެ މެންބަރު މުހައްމަދު ސައީދު ކުރައްވާފައިވާ ޓްވީޓެއް ރިޓްވީޓް ކުރައްވާފައެވެ.