ރާއްޖޭގައި ބިދޭސީއަކު މަގުމަތިން ހޮވި ގިނަ އަދަދެއްގެ ފައިސާ އޭގެ ވެރިފަރާތާއި ހަވާލުކޮށްފިއެވެ.

ބިދޭސީ މީހާ މި ފައިސާތައް ހޮވާފައިވަނީ އައްޑޫ ސިޓީ ހިތަދޫގެ މަގެއްގެ މަތިންނެވެ. ފުލުހުން ވިދާޅުވެފައި ވަނީ އެމީހާ އެފައިސާތައް ހޮވާފައިވަނީ ޖޫން 05 ވަނަ ދުވަހުގެ ހެނދުނުގެ ވަގުތެއްގައި ކަމަށާއި އެމީހާވަނީ އެފައިސާތައް ފެނުމުން ހިތަދޫ ޕޮލިސް ސްޓޭޝަނާއި ހަވާލުކޮށްފައި ކަމަށެވެ.

Applauding the expatriate worker for handing over a substantial amount of cash found lying on the road to police. #HithadhooPolice located the rightful owner and the amount has been returned#TogetherWeFightCrime#DoYourPart#Honesty pic.twitter.com/DofDhomNeo

— Maldives Police (@PoliceMv) June 8, 2020

އެގޮތުން އެމީހާ ހޮވި ފައިސާތަކުގައި އެއްލައްކަ ރުފިޔާ ހުރިކަމަށާއި އެފައިސާތައް ޖެހިގެން އައި ދުވަހު ޖޫން 6 ވަނަ ދުވަހުގެ 13:35 ހާއިރު ވަނީ އެފައިސާތަކުގެ ވެރިފަރާތާއި ހަވާލުކޮށްފައިކަމަށް ފުލުހުން ވަނީ ވިދާޅުވެފައެވެ.

ހިތަދޫ ޕޮލިސް ސްޓޭޝަނުން ވަނީ މި ފައިސާތައް ފެނިގެން އެ ޕޮލިސް ސްޓޭޝަނަށް ހަވާލުކޮށްދެއްވި ކަމަށްޓަކައި އެ ބިދޭސީ މީހާއަށް ވަރަށް ބޮޑަށް ޝުކުރު އަދާކޮށްފައެވެ.

އެ ފައިސާތައް ހޮވާފައިވަނީ ބަންގްލަދޭޝް ރައްޔިތެއްކަމަށް ފުލުހުން ވަނީ ވިދާޅުވެފައެވެ.