މިއަދުގެ އެއްވުމާއި ގުޅިގެން 41 މީހަކު ފުލުހުންގެ ބެލުމުގެ ދަށަށް ގެންގޮސްފައި ވާކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ މި މީހުން ހައްޔަރުކޮށްފައިވަނީ އާންމު ސިއްހަތުގެ ކުއްލި ނުރައްކަލުގެ ހާލަތުގައި ރައްޔިތުން ނުރައްކަލުގެ ތެރެއަށް ހުށައެޅޭގޮތަށް، އެޗްޕީއޭގެ ގައިޑްލައިން ތަކާއި ޚިލާފަށް އެއްވުމާއި ގުޅިގެން ކަމަށެވެ.
މިއަދު އިދިކޮޅުންމާލޭގައި ސައިކަލް ބުރެއް ފަށައި ކުރިއަށްގެންދިއުމަށް ވަނީ މަސައްކަތް ކޮށްފައެވެ. މިކަމާއި ގުޅިގެން ފުލުހުންވަނީ ސައިކަލު ބުރުގައި ބައިވެރިވާ ފަރާތްތަކާއި މެދު ޤާނޫނީ ފިޔަވަޅު އަޅާނެކަމުގެ އިންޒާރުވެސް ދެއްވާފައެވެ.
Anmmu sihhathuge kulli nurakkaluge haalath gai rayyithun nurakkaluge there ah hushahelhey gothah, HPA ge guideline thakai khilaafah evvumai gulhigen 41 meehaku fuluhun ge belumuge dhashah genesfi.
Rayyithun ge salamathai rahkkatheri kan iskurumah ilthimaskuran#StayHomeStaySafe pic.twitter.com/OQp50MJX0t— Maldives Police (@PoliceMv) September 12, 2020
އިދިކޮޅުން މިއަދު ސައިކަލް ބުރު ފަށާފައިވަނީ ރަސްފަންނު ސަރަހައްދުންނެވެ. އަދި ފުލުހުން މި ސައިކަލް ބުރު ކުރިއަށް ގެންދިއުމަށް ހުރަސްއެޅުމާއި ގުޅިގެން ވަކި ހިސާބަކުން ސައިކްލްބުރު ހިނގާލުމަކަށް ވަނީ ބަދަލުކޮށްފައެވެ.
ކޮވިޑް-19 ގެ މި ހާލަތުގައި ރައްޔިތުންގެ ސަލާމަތާއި ރައްކާތެރިކަން އިސްކުރުމަށް ފުލުހުންވަނީ އިލްތިމާސް ކުރައްވާފައެވެ.
