މާލޭ ސަރަޙައްދުގައި ދިރިއުޅޭ އުމުރުން 18 އަހަރުން މަތީގެ އެންމެންނަށް މާދަމާއިން ފެށިގެން ވެކްސިން ޖަހއިދެވޭނެކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވެއްޖެއެވެ.
މާލެ ސަރަހައްދުގައި ދިރިއުޅޭ 18 އަހަރުން މަތީގެ އެންމެންނަށް މާދަމާއިން ފެށިގެން ވެކްސިން ޖަހައިދެވޭނެ pic.twitter.com/GFSWGUEPqM
— Health Protection Agency (@HPA_MV) March 2, 2021
ވެކްސިން ޖެހުމަށްޓަކައި މާލޭ ސަރަޙައްދުގައި ހަ ވެކްސިނޭޝަން ސެންޓަރެއް ޤާއިމުކޮށްފައިވާއިރު، ކޮންމެ ދުވަހެއްގެވެސް ހެނދުނު 9:00 އިން ހަވީރު 4:30 އަށް ވެކްސިން ޖެހޭނެއެވެ.
ކޮވިޑް ވެކްސިންގ ރާއްޖޭގައި ޖަހަން ފަށާފައިވަނީ މިހިނގާ ފެބްރުއަރީ މަހު 1 އިން ފެށިގެންނެވެ. ރާއްޖޭގައި މިހާރު ޖަހަމުން އަންނަނީ އިންޑިއާއިން ހަދިޔާ ކުރި އޮކްސްފޯޑް-އެސްޓްރާޒެކެނާ ކޮވިޝީލްޑް ވެކްސިން އެވެ. ކޮވިޑް-19 އިން ދިފާޢުވުމަށްދޭ ވެކްސިން ރާއްޖެއަށް އެންމެ ފުރަތަމަ ފޯރުކޮށްދީފައިވަނީ އިންޑިއާއިންނެވެ. އިންޑިއާއިން ހަދިޔާކުރި ކޮވިޑް ވެކްސިންގެ ފުރަތަމަ ޝިޕްމަންޓް ރާއްޖެއަށް ގެނައީ މިދިޔަ ޖެނުއަރީމަހުގެ 20 ވަނަ ދުވަހުއެވެ.
މާލޭ ސަރަޙައްދުގައި ޤާއިމުކޮށްފައިވާ ވެކްސިނޭޝަން ސެންޓަރުތައް:
- ސޯޝަލް ސެންޓަރު
- އިސްލާމީ މަރުކަޒު
- ވިލިމާލެ ޒުވާނުންގެ މަރުކަޒު
- ހުޅުމާލޭ ކުރީގެ ފްލޫ ކުލިނިކް
- ރައްޔިތުންގެ މަޖިލިސް
- ޓްރީޓޮފް ހޮސްޕިޓަލް
