ބަދިގެތެރޭން މިއަދު މިގެނެސްދެނީ ޕިއްޒާ ކަޓްލަސް ތައްޔާރު ކުރާނެގޮތެވެ.

ބޭނުންވާތަކެތި:

6 އަލުވި (ފެނުކައްކާފައި)

1 ޖޯޑު ކުކުޅު މަސް (ފެނުކައްކާފައި)

1 ޖޯޑު މޮޒަރެއްލާ ޗީޒް (ގާނާފައި)

1 ކެޕްސިކަމް (ކިއުބްކޮށްކޮށާފައި)

1 ޓޮމާޓޯ (ކިއުބްކޮށްކޮށާފައި)

1 ފިޔާ (ކިއުބްކޮށްކޮށާފައި)

ހިކަނދިފަތް (ކުދިކޮށްކޮށާފައި)

1 ރޯމިރުސް (ކުދިކޮށްކޮށާފައި).

1 ސައިސަމްސާ ލޮނު

2 ސައިސަމްސާ އަސޭމިރުސް

1/2 ޖޯޑު ޕިއްޒާ ސޯސް

ތެޔޮ

3 ބިސް

ފުއް

ފާރޮށިކުނޑި

ތައްޔާރުކުރާނެގޮތް:

އެންމެފުރަތަމަ އަލުވިކޮޅު މޮޑެލާފައި އޭގެތެރެއަށް ½ ސައިސަމްސާ ލޮނު އަދި 1 ސައިސަމްސާ އަސޭމިރުސް އަޅާ ރަނގަޅަށް އެއްކޮއްލާށެވެ. އެއަށްފަހު ތަވަޔަކަށް ކުޑަ ތެޔޮފޮދެއް އެޅުމަށްފަހު ކުކުޅުމަސްކޮޅު އަޅާ ކުޑަކޮށް މަޑުގިނީގައި ހާކާލާށެވެ. ދެން އޭގެތެރެއަށް ½ ސަމްސާ ލޮނު، 1 ސަމްސާ އަސޭމިރުސް އަޅާ އެއްކޮށްލާށެވެ. ރަނގަޅަށް އެއްވުމުން ކޮށާފައި ހުރި ފިޔާ، މިރުސް، ހިކަނދިފަތް، ކެޕްސިކަމް، އަދި ޓޮމާޓޯ ކޮޅު އަޅާ މިކްސް ކޮއްލާށެވެ. ދެން މިނަޓެއް ހާއިރު ވަންދެން މަޑު ގިނީގައި ހާކާލާށެވެ. ދެން ޕިއްޒާ ސޯސް ކޮޅު އަޅާ ރަނގަޅަށް މިކްސް ކޮއްލާށެވެ. އަދި މަޑުގިނީގައި ކުޑަ އިރުކޮޅެއް ވަންދެން ހާކާލާށެވެ. މިހާރު މިވަނީ މަސްގަނޑު ތައްޔާރުކޮށް ނިމިފައެވެ.

ދެން މޮޑެފައި އިން އަލުވިކޮޅުން އެތިކޮޅެއް ނަގާ އޭގެތެރެއަށް ތައްޔާރުކުރި މަސްގަނޑުން އެތިކޮޅަކާއި ޗީޒް އިން އެތިކޮޅެއް އެޅުމަށްފަހު ބައްދާލާށެވެ. އަދި ދެފުއް ކުޑަކޮށް ފިއްތާލާށެވެ. މިގޮތަށް ހުރިހާ އެއްޗެއް ހަދާ ނިމުމުން ފަހަރަކު އެއްޗެއް ފުށުގައި ހޭކުމަށްފަހު ބިސްލާފައި ފާރޮށިކުނޑި ހާކާށެވެ. ދެން ތެލުލާށެވެ. މިހާރު މިވަނީ ޕިއްޒާ ކަޓްލަސް ތައްޔާރުކޮށް ނިމިފައެވެ. .