ބަދިގެތެރޭން މިއަދު މިގެނެސްދެނީ ހޮޓް ޑޯގް ތައްޔާރުކުރާނެގޮތެވެ.

ބޭނުންވާތަކެތި:

• 6 ހޮޓް ޑޯގް ބަނަސް
• 1 ދަޅު މަސް
• 1 ދަޅު ޓޮމާޓޯ
• 1 ފިޔާ (ކުދިކޮށްކޮށާފައި)
• 1 މިރުސް (ކުދިކޮށްކޮށާފައި)
• 2 ހިކަނދިފަތް (ކުދިކޮށްކޮށާފައި)
• 1 ސައިސަމްސާ އަސޭމިރުސް
• 1 ސައިސަމްސާ ސޯޔާސޯސް
• ލޮނު (ރަހަލާވަރަށް)
• 1 ލޮނުމެދު (ގާނާފައި)
• 3 ސޮސެޖް (މެދުން ފަޅާލުމަށްފަހު ތެލުލާފައި)
• މޮޒަރެއްލާ ޗީސް (ގާނާފައި)

ތައްޔާރުކުރާނެގޮތް:

އެންމެ ފުރަތަމަ ކުޑަ ތެޔޮފޮދެއްގައި ފިޔާ، ހިކަނދިފަތް އަދި މިރުސް ކުޑަކޮށް ރަތް ކޮށްލާށެވެ. ރަތް ވުމުން ގާނާފައި ހުރި ލޮނުމެދުކޮޅު އަޅާ އެއްކޮށްލާށެވެ. އެއަށްފަހު ޓޮމާޓޯ ދަޅު އަޅާލާ ފިޔާގަނޑާއި އެއްކޮށލާށެވެ. ދެން  އޭގެތެރެއަށް އަސޭމިރުސް، ސޯޔާސޯސް އަދި ލޮނު އަޅާ ހާކާލާށެވެ. އެއަށްފަހު މަސްދަޅު އަޅާ މަޑު ގިނީގައި 2 މިނެޓް ވަންދެން ހާކާލާށެވެ. މިހާރު މިވަނީ މަސްގަނޑު ތައްޔާރުކޮށް ނިމިފައެެވެ.

ދެން ހޮޓް ޑޯގް ބަނަސް ތަށް މެދުން ފަޅާލުމަށްފަހު އޭގެތެރެއަށް ތައްޔާރުކުރި މަސްގަނޑުން އެތިކޮޅެއް އަދި ސޮސެޖް ފޮތި ލުމަށް ފަހު އޭގެ މައްޗަށް ޗީސްކޮޅެއް އަޅާލާށެވެ. މިގޮތަށް ހުރިހާ ބަނަހެއް ނިމުމުން އަވަނުގައި ޗީސްކޮޅު މެލްޓް ވަންދެން ފިހެލާށެވެ.

މިހާރު މިވަނީ ހޮޓް ޑޯގް ތައްޔާރުކޮށް ނިމިފައެވެ.