ފެށުން “ބަދިގެތެރޭން” މިފަހަރު މި ގެނެސްދެނީ ޗޮކްލެޓް ޗީޒް ކޭކް ތައްޔާރުކުރާނެގޮތެވެ.

ބޭނުންވާތަކެތި:

• 85 ގްރާމް ހަކުރު
• 1/2 ސައިސަމްސާ ވެނީލާ އެސެންސް
• 1 1/2 ޖޯޑު ސަވާ ކްރީމް
• 1 1/2 ޖޯޑު ކްރީމް ޗީޒް
  170 ގްރަމް  ޗޮކްލެޓް
• 5 މޭޒުމަތީ ސަމްސާ އަންސޯލްޓެޑް ބަޓަރު (ދިޔާކޮށްފައި)
• 4 މޭޒުމަތީ ސަމްސާ ކޮކޯ ޕައުޑަރު
• 200 ގްރާމް ހެޒަލްނަޓް
• 1 ޖޯޑު ކޯންފްލޭކްސް ( ހިމުން ކޮށްފައި)

ތައްޔާރުކުރާނެގޮތް:

ޗޮކްލެޓް ޗީޒް ކޭކް ތައްޔާރުކުރުމަށްޓަކައި، ކޯންފްލޭކްސް އާއި ބަޓަރު އަދި ކޮކޯ ޕައުޑަރު އެއްކޮށްލާށެވެ. ދެން ޓްރޭއެއްގައި ކޯންފްލޭކްސްތައް އަޅާ ބޭސް ތައްޔާރުކޮށް، ސެޓް ކުރަން ފްރިޖަށް ލާށެވެ.

ދެން އަވަނުގައި ހެޒްލް ނަޓްތައް ޓޯސްޓް ކޮށްލައި މުގުރާލާށެވެ. މީގެ ތެރެއަށް ވެނީލާ އެސެންސް ކްރީމް، ޗީޒްގެ ދެބައިކުޅަ އެއްބައި އަދި ސަވަރ ކްރީމްގެ ދެބައިކުޅަ އެއްބައި އަޅާ އެއްކޮށްލާށެވެ. މި ޕޭސްޓްގަނޑު ކޯންފްލޭކްސް ބޭސްގެ މައްޗަށް އަޅާ ފަތުރާލާށެވެ. އަނެއްކާވެސް ސެޓްކުރަން އަލަމާރީގައި ބަހައްޓާލާށެވެ.

ދެން ޗޮކްލެޓް ދިޔާކޮށް ބާކީ ހުރި ކްރީމް ޗީޒާއި ސަވަރ ކްރީމް އާ އެއްކޮށްލާށެވެ. މި ބައިވެސް ކުރިން ތައްޔާރުކުރި ލޭޔާރސްގެ މައްޗަށް އަޅާ އަނެއްކާވެސް އަލަމާރިއަށް ލައި ގަޑިއެއްހާއިރު ވަނދެން ބަހައްޓަށެވެ. މިހާރުމިވަނީ ޗޮކްލެޓް ޗީޒްކޭކެ ތައްޔާރުކޮށް ނިމިފައެވެ.