ބަދިގެތެރޭން މިފަހަރު މި ގެނެސްދެނީ ފްރުޓް ކަސްޓަޑް ތައްޔާރުކުރާނެ ގޮތެވެ.
ބޭނުންވާތަކެތި:
- 2 ތަށި ކިރު (ފުލް ކްރީމް ނުވަތަ ހިކިކިރު ފެނުގައި ގިރާލާފައި)
- 2 ސައިސަމްސާ ކަސްޓަޑް ޕައުޑާރ
- ¼ ޖޯޑު ހަކުރު
- ފްރުޓްސް ( މޭބިސްކަދުރު، އާފަލު، ދޮންކެޔޮ، އަނބު، އަލަނާސި ކިއުބް ކޮށް ކޮށާފައި)
ތައްޔާރުކުރާނެ ގޮތް:
އެންމެ ފުރަތަމަ ކިރުކޮޅު ތެއްޔެއްގައި ރަނގަޅަށް ކައްކާލާށެވެ. އެއަށްފަހު ކަސްޓަޑް ޕައުޑާރަ ކޮޅު ކުޑަ ކިރުކޮޅެއްގައި އެއްކޮއްލުމަށްފަހު ކެއްކި ކިރުތަކުތެރެއަށް އަޅާލާށެވެ. ދެން އޭގެތެރެއަށް ހަކުރުކޮޅު އަޅާ ރަނގަޅަށް އޮލަވަންދެން ކައްކާލާށެވެ. ރަނގަޅަށް އޮލަވުމުން އިތުރު ތައްޓަކަށް ކަސްޓަޑް ކޮޅު އަޅާލުމަށްފަހު ކޮށާފައި ހުރި ފްރުޓްސް ކޮޅު އަޅާ ރަނގަޅަށް މިކްސް ކޮއްލާށެވެ. މިހާރު މިވަނީ ފްރުޓް ކަސްޓަޑް ތައްޔާރުކޮށް ނިމިފައެވެ. ފްރުޓް ކަސްޓަޑް ބޮޑަށް މީރު ވާނީ ފިނިކޮށްލައިގެންނެވެ.
