ބަދިގެތެރޭން މިފަހަރު މި ގެނެސްދެނީ ޕޮޓޭޓޯ ޕައި ހަދާނެގޮތެވެ.
ބޭނުންވާ ތަކެތި:
- ބޯންލެސް ޗިކެން ( ފެނުކައްކާފައި)
- 8 ބިސް (ކުޑަ ލޮނު ކޮޅަކާއި އަސޭމިރުސްކޮޅެއް އަޅައި ގިރާފައި)
- 1 ފިޔާ (ތުނިކޮށް ކޮށާފައި)
- 4 އަލުވި (ފޮތިފޮތިކޮށް ކޮށައި ތެލުލާފައި)
- މިރުސް (ރަހަލާވަރަށް)
- ލޮނު ( ރަހަލާވަރަށް)
- އަސޭމިރުސް
- ތެޔޮ
- 1/2 ލުނބޯ
ތައްޔާރުކުރާނެ ގޮތް:
އެންމެފުރަތަމަ ފިޔާ، ލޮނު، އަސޭމިރުސް، ލުނބޯ، އަދި މިރުސް ލައިގެން ރަނގަޅަށް މޮޑެލާށެވެ. ދެން އޭގެ ތެރެއަށްކުކުޅުކޮޅު (މޮޑެލާފައި) އަޅާލުމަށްފަހު ރަނަގަޅަށް އެއްކޮށްލާށެވެ. ދެން ތަވާގައި ކުޑަ ތެޔޮފޮދެއް ހޭކުމަށްފަހު ތެލުލާފައި ހުރި އަލުވީގެ އެއްބައި ތަވާގައި އަތުރާލުމަށްފަހު އޭގެ މަތީގައި މޮޑުނު މަސްގަނޑުގެ އެބައި އަތުރައިލާށެވެ.
އެއަށްފަހު މަސްގަނޑުގެ މައްޗަށް ގިރާފައިހުރި ބިހުގެ އެއްބައި އަޅާލާށެވެ. ދެން އަނެއްކާވެސް ހަމަ އެގޮތަށް ބާކީހުރި އަލުވި އަދި މަސްގަނޑު ލޭޔާރސް ކޮށް އަތުރާލާށޭވެ. ދެން އޭގެމަށްޗަށް ގިރާފައިހުރި ބިސްކޮޅު އަޅައި، އުނދުނަށް ލައި މަޑު ގިނީގައި ދެފުށް ރަގަޅަށް ފިހެލާށެވެ. މިހާރު މިވަނީ ޗިކެން ޕޮޓޭޓޯ ޕައި ތައްޔާރުކޮށް ނިމިފައެވެ.
