ފެށުން "ބަދިގެތެރޭން" މިފަހަރު މި ގެނެސްދެނީ ކިޓްކެޓް ޗޮކްލެޓް ބްރައުނީސް ތައްޔާރުކުރާނެ ގޮތެވެ.
ބޭނުންވާތަކެތި:
- 1/2 ޖޯޑު ބަޓަރު (ދިޔާކޮށްފައި)
- 1 ޖޯޑު ހަކުރު
- 3 ބިސް
- 1 ސސ ވެނީލާ އެސެންސް
- 1/3 ޖޯޑު ކޮކޯ ޕައުޑަރ
- 1/2 ޖޯޑު ފުއް
- 150ގ ޑާރކް ޗޮކްލެޓް (ދިޔާކޮށްފައި)
- 150ގ ޕެކެޓް ކިރު
- 8 ކިޓްކެޓް ޗޮކްލެޓް (2 ޗޮކްލެޓް ފުނޑު ކޮށްފައި)
ތައްޔާރުކުރާނެގޮތް:
ޓްރޭއެއްގައި ބިސް އަދި ހަކުރު ރަނގަޅަށް އެއްވަންދެން ގިރާށެވެ. އަދި މީގެ ތެރެއަށް ދިޔާކޮށްފައި ހުރި ބަޓަރު އަޅާފައި އަނެއްކާވެސް ގިރާލާށެވެ. އެއަށްފަހު މި މިކްސް ގެ ތެރެއަށް ފުށާއި ކޮކޯ ޕައުޑަރު އަޅައި ރަނގަޅަށް އެއްކޮށްލާށެވެ. އަދި ދިޔާކޮށްފައި ހުރި ޑާރކް ޗޮކްލެޓް އަދި ކިރު އަޅާފައި އޮލަވަންދެން ރަނގަޅަށް ގިރާށެވެ. ދެން އެއަށްފަހު ޓްރޭއެއްގައި ބަޓަރު ހާކާލުމަށްފަހު ކުރިން ގިރި މިކުސްގެ ދެބައިކުޅަ އެއްބައި ޓްރޭގެ ތެރެއަށް އަޅާލާށެވެ.
އެއަށްފަހު ފުޑު ނުކޮށްހުރި ކިޓްކެޓް ޗޮކްލެޓްތައް މި މިކްސްގެ މަތީގައި އަތުރާލުމަށްފަހު ބާކީ ހުރި މިކްސްތައް މި ކިޓްކެޓް ތަކުގެ މައްޗަށް އަޅައި ދޭފަތަކުން މަތި އޮމާން ކޮށްލާށެވެ. އަދި އޭގެ މައްޗަށް ފުނޑުކުރި ކިޓްކެޓްތައް އަޅާލުމަށްފަހު އަވަނުގައި 40 މިނެޓްވަންދެން ފިިހެލާށެވެ.
