ފެށުން ބަދިގެތެރޭން މިފަހަރު މިގެނެސްދެނީ ނަޓެއްލާ ރޯލްސް ތައްޔާރު ކުރާނެގޮތެވެ.

ބޭނުންވާ ތަކެތި:

• 6 ފޮތި ޕާން
• 3 ބިސް
• ނަޓެއްލާ
• ހަކުރު (މުގުރާފައި)
• ވެނީލާ އެސެންސް
• ބަޓާރ
• ¼ ޖޯޑު ކިރު

ތައްޔާރުކުރާނެ ގޮތް:

ޕާންފޮތި  ތަކުގެ ކައިރި ނެގުމަށްފަހު ރޮށިދަމާ އެއްޗެއްގައި ތުނިކޮށް ދަމާލާށެވެވެ. އެއަށްފަހު ދަމާފައި ހުރި ޕާންފޮތި ތަކުގެ މަތީގައި ނަޓެއްލާ އުގުޅުމަށްފަހު އޮޅާލާށެވެ. ދެން ބިހާއި ކިރު، ހަކުރު އަދި ރަހަލާވަރަށް އެސެންސް އެޅުމަށްފަހު ގިރާލާށެވެ. އެއަށްފަހު އޭގެތެރެއަށް އޮޅާފައި ހުރި ޕާންކޮޅުތަށް ލުމަށްފަހު ފޯކޮށްލާށެވެ. އެއަށްފަހު ތަވާގައި ބަޓާރ ކޮޅެއް ހޭކުމަށްފަހު މުށިކުލަ އަރަންދެން ފިހެލާށެވެ. މިހާރު މިވަނީ ނަޓެއްލާ ރޯލްސް ތައްޔާރުކޮށް ނިމިފައެވެ.