ޑރ. މުހަންމަދު އިޔާޒު އަބްދުއްލަތީފުގެ ދިފާޢުގައި ނުކުއްނެވި ދީނީ ޢިލްމުވެރިޔާ ޝެއިޚް ޢަލީ ޒައިދަށްވެސް މޯލްޑިވްސް ނެޝެނަލް ޔުނިވާސިޓީ(އެމްއެންޔޫ) އިން ފިޔަވަޅު އަޅައިފިއެވެ.

ޑރ. އިޔާޒު އެމްއެންޔޫގެ ވަޒީފާއިން ވަކިކުރުމާއި ގުޅިގެން ގިނަ ޢިލްމުވެރިންތަކެއް ކަންބޮޑުވުން ފާޅުކުރައްވާފައިވާއިރު، ޑރ. އިޔާޒުގެ ދިފާޢުގައި ނުކުއްނެވި އެއް ބޭފުޅަކީ ޝެއިހް އަލީ ޒައިދެވެ. އެގޮތުން ޒައިދު ވިދާޅުވީ، ޑރ. އިޔާޒާމެދު އަޅާފައިވަނީ އިންސާފުން އެއްކިބާވެފައިވާ ފިޔަވަޅެއްކަމަށެވެ. އަދި މުވައްޒަފުންނަށް އިންސާފުން ބޭރުން ފިޔަވަޅު އެޅުމަކީ ވެރިން ކުރާނެ އެންމެ ގޯސް ކަންތައްކަމަށްވެސް ޒައިދުވަނީ ވިދާޅުވެފައެވެ.

އަދި މިއަދު ކުރެއްވި ޓްވީޓެއްގައި ޒައިދު ވިދާޅުވީ، އިއްޔެކޮށްފައިވާ ޓްވީޓުތަކާއި ގުޅިގެން އެބޭފުޅާއަށްވެސް 2 ފިޔަވަޅެއް އަޅާފައިވާކަމަށެވެ. އެގޮތުން އެމްއެންޔޫގެ 5 ފިޔަވަޅެއް ޒައިދު ޙިއްސާކުރައްވާފައިވާއިރު، އެބޭފުޅާއަށް އަޅާފައިވަނީ ކޮން ފިޔަވަޅެއްކަމެއް ޒައިދު ހާމައެއްނުކުރެއެވެ.

MNU ga onnany 5 fiyavalhu!

1- angabahun naseyhai dhinun
2- liyumun naseyhai dhinun
3- inzaar
4- suspension
5- kandaalun

Koffaivaa tweet thakaa gulhigen baaru speed gai mithanun 2 fiyavalhu alhugandah ves alhaafai vany! Vakyl kurany Allah ah! Biruvethi vanyves ekalaange ah!

— Ali Zaid (@alizaid1000) July 2, 2021

މޯލްޑިވްސް ނެޝެނަލް ޔުނިވާސިޓީ (އެމްއެންޔޫ) ގެ އެސިސްޓެންޓް ޕްރޮފެސަރގެ މަޤާމުން ޑރ. އިޔާޒު ވަކިކޮށްފައިވަނީ ސޯޝަލް މީޑިއާގައި ފާޅުކުރައްވާ ހިޔާލުތަކާ ގުޅިގެންނެވެ. ޑރ. އިޔާޒު ވަޒީފާއިން ވަކިކޮށްފައި ވާއިރު، ސޯޝަލް މީޑިއާގައި ކުރާ ޕޯސްޓުތަކާއި ގުޅިގެން މިއަހަރުގެ މާޗް މަހު ޔުނިވާސިޓީން އޭނާ ވަނީ 14 ދުވަހަށް ސަސްޕެންޑް ވެސް ކޮށްފައެވެ.

ޑރ. އިޔާޒު އެމްއެންޔޫގެ ވަޒީފާއިން ވަކިކޮށްފައިވަނީ އަންހެން ކުދިން ހިތާނަ ކުރުމާ ގުޅޭގޮތުން މިފަހަކުން ދެއްކެވި ވާހަކުފުޅުތަކަކާއި ގުޅިގެން ގިނަ ބައެއްގެ ފާޑުކިއުން އަމާޒުވެފައިވާ ދަނޑިވަޅެއްގައެވެ. އެގޮތުން އަންހެން ކުދިން ޚިތާނު ކުރުމަށް ހިތްވަރު ދިންކަމަށް ބުނެ އޭނާގެ މައްސަލަ ރައްޔިތުންގެ މަޖިލީހުގެ ހިއުމަން ހިއުމަން ރައިޓްސް އަދި ޖެންޑާ ކޮމިޓީއިން ބަލައިދިނުމަށްވެސް ވަނީ ހުށަހަޅައިފައެވެ.

ޑރ. އިޔާޒު ވަޒީފާ އިން ވަކިކޮށްފި