މެދުރާއްޖެތެރެއާއިދ ދެކުނަށް ވިއްސާރަކުރާނެކަމަށް ލަފާކޮށް މޫސުމާބެހޭ ޤައުމީ އިދާރާ މެޓް އޮފީހުން ވައިޓް އެލާޓް ނެރެފިއެވެ.
މެޓް އޮފީހުން ވައިޓް އެލާޓް ނެރެފައިވަނީ ކ. އަތޮޅުން ފެށިގެން އައްޑޫ ސިޓީއާއި ހަމައަށެވެ.
މިރޭ 07:00 އިން މެންދަމު 01:00 އަށް ނެރެފައިވާ ވައިޓް އެލާޓްގައި ބުނެފައިވަނީ، އެލާޓްގެ ވަގުތުގައި އެލާޓް އެސަރަހައްދަށް ގުގުރުމާއެކު ބޯކޮށް ވާރޭވެހެ، ވިލާގަނޑުގައި ގަޑިއަކު 45 މޭލަށް ވައިގަދަވުން އެކަށީގެންވާ ކަމަށެވެ.
Alert White for heavy rain and thunderstorms with gusts of 45 mph. pic.twitter.com/CzAeRKTcze
— Maldives Meteorology (@MetMaldives) May 14, 2020
ބޮޑު ސަރަހައްދަކަށް ވައިޓް އެލާޓް ނެރުރުއިރު، މިރޭ21:00 ގެ ނިޔަލަށް ދެކުނުގެ އަތޮޅުތަކަށް ވަނީ ޔެލޯ އެލާޓް ނެރެފައެވެ.
ALert Yellow for average strong winds of 28 - 35mph with gusts of 50 expected between Laamu Atoll & Addu City pic.twitter.com/SEFRy3gQCb
— Maldives Meteorology (@MetMaldives) May 14, 2020
ބޯކޮށް ވާރޭ ވެހުމުގެ ސަބަބުން އައްޑޫ ސިޓީގައި ފެންބޮޑުވެ، ބައެއް ގެތަކަށް މިއަދު ވަނީ ފެންވަދެފައެވެ.
ކުރިޔަށް އޮތް 24 ގަޑިއިރަށް މުޅި ރާއްޖޭގެ މޫސުން ލަފާކޮށް މެޓް އޮފީހުން ބުނެފައިވަނީ ދެކުނުގެ ބޮޑުބަޔަކަށް ވިއްސާރަކުރާނެ ކަމަށާއޮ އަދި ބޯކޮށް ވާރޭވެހި ބައެއް ރަށްތަކަށް ގުގުރުން އެކަށީގެންވާ ކަމަށެވެ. މީގެ އިތުރުން މެދުތެރެއާއި އުތުރުގެ އެކިހިސާބަށް ވިއްސާރަކުރާނެ ކަމަށެވެ.
އުތުރުގެ އަތޮޅުތަކަށް ހުޅަނގުއުތުރާއި އުތުރުން ގަޑިއަކު 7 މޭލާ 15 މޭލާ ދެމެދުގެ ބާރުމިނުގައި އަދި ހުޅަނގުދެކުނާއި ހުޅަނގުން މެދުތެރޭގެ އަތޮޅުތަކަށް ގަޑިއަކު 10 މޭލާ 20 މޭލާ ދެމެދުގެ ބާރުމިނުގައި ވައި ޖެހޭނެ ކަަމަށެވެ.
